|
Nanistohtsi paitapiihpinnaani Iiniwa
Iiniwa
Iiniwa Nimohtaipaitapiihpinnaan
Nitsitaisapinnakihpinnaaniksi,nimohtaokoihpinnaanistsi ki nimohtayissitapiihpiiya'tspinnaanistsi ihtohkanao'tstsiiyawa iiniwa. |
|
|
|
Maanistaokanipoihpi Iiniiksi
Mattayiistapoh pokohkanipoyii skiimiksi, onistaahsiksi, ni'tsstoyiimiiksi, ki naato'kisstoyiimiiksi. Anni niita'paissiiyawa ihkanaohpapiimmotsiiksi. Ma tokskam skiim iitainawa'siwa. Annayi aotoomowa aisawai'poyisawa. Mattaotoomowa aotoisimisawa aohkii.
|
Stamikiksi
Stamikiksi iikawaakaowa otsitai'tsita'paisspiawa. Mo, aisamiiposi iitaitsinomaahkayawa miiksi mattstsikiksi. Iitsitao'tsipoyiiyawa skiimiksi.
Maanistaisspimihpiawa
Naato'kiomahksiksikkaysini ainako'tsitsksipimiiyawa.
Maanistaisssoksi'pi
Ni'tomahkssokoyi naanistaissokimm anni iitayissksimmao'pi.
Maanistaikkayayihpi
Nitsikaomahksikinak I nitsiikaikkayayi.
Maanistaipisspohpai'piihpi
Nitsiikaipisspohpai'pi ki ni'tomahksiksikkaysini naanistaohkottsipisspohpai'pi kami kakitaipoyiiniki.
|
|
|
|
|
Nitaokskoo
Iikaisspiksimmoyisi nottsikiistsi anni nitaokskoipoihpi. Aita'psstoyiisi nimaatohtaikokitspa. Nitsiikohtaiki'nss maatohtaisisapo'kohpiwa isstoyii.
|
Nootskinayiiksi
Nootskinayiiksi maatainno'simaiksawa. Iikitapsoka'psiyawa i'tsskaani ki naahkanistaisskiti'tsaahpi nitaiksikiowai'pisskotookinnaaniksi.
|
|
|
|
Nowapsspiksi
Kiwa nimaataotatsoksaapihpa, nitsiikkaipiiyaap. Naato'kiaasi naanistaipiiyaap.
|
Nootsistsiikiiksi
Nootsistsiikiiksi iiktaiksisaikimmiawa nitsiikohtaisoki'tsinimmahpinnaan ai'koonskosi nitsitaohkoyi'kahpinnaan saissksiimokoyi.
|
|
Naanistohtayissitapiihpinnaani Iiniwa
|
|
|
|
|
Okkoyihkinssini
Ihtaikottsi'pi kitsi'tannoonistsi. Mattohtao'piimskao'piawa.
|
Skull
The skull was an altar at our ceremonies.
|
|
|
|
Matsiniiksi
Matsiniiksi aihkihsayi ki ihtsitawaatowa'pso'piawa mo akoka'tssini.
|
A'sipiiksi
A'sipiiksi ihtaipo'tstsii apootstsiinayiisini ki moohkiistsi. A'sipiiksi nitaisao'towannaani nimohtsitawaahkanaakihpinnaaniawa.
|
|
|
|
O'sak
Omi otsitohkittsimihpi anni i'ksisakoyi iikaomayaahsiwa.
|
|
|
|
|
Motokiiksi
Motokiiksi niitohtayissitapiiyo'piawa:
- ihtaotahpikaohsso'piawa
- ihtaisi'kaahkao'piawa
- ihtaokskowaopiawa
- isstoitsikini(moi okkoyi aipststo'p)
- ottsikiistsi stotokii ihta'paistotakio'p awo'taani
- ihtaokoyo'piawa
- ihta'paistotakio'piawa sootsimaani
- nitsowahsinnaani ki nitsistotoohsinnaanistsi
- asonopa'tsiistsi apssiistsi
|
|
|
D.B. Robinson,
Sapo-Omok-Sokah, 1875-76,
Otsinanskaanistsi
Glenbow Museum
Otsinanskaanistsi
Glenbow Museum
Otsinanskaanistsi
Glenbow Museum |
|
|
|
|
|
Opi, osstoksisi, matsinii
Aamostsi mattao'wato'piawa. Opi mattohtaikkiniistotowayi motokiiksi.
|
Mootskina'yiiksi
Horns were used for:
- ihtaohko'sskao'piawa
- ihtaottakio'piawa
- iitaisapinnakio'piawa aawakkso'paani
- ihtaisttsomo'kihkao'piawa
- ihtawaawattsipohto'p pakoyittsi
|
|
|
|
Opsto'kinsini
Nitaohkanaowato'pinnaani opsto'kinsini. Otookistsi nitao'ksowatoohpinnaaniawa nitssakaksowahsinnaaniawa.
|
Moohkiistsi
Moohkiistsi ainnohto'piawa iitaohkakoyiiwa issii.
|
|
|
|
Moohsistsiiksi
Moohsistssiiksi mattainihtsayawa ihtsitaokspanisttso'piawa. Mattohtai saittsikihtao'piawa ki ihtaissksini'p aitstsi'ki i'to'yi.
|
|
|
|
|