Aottakiiksi

Maanistapakaitapiihpi naapiikoaksi ao’toiksi iitomatapoohkiitsiwa anno, nimaatohkoihka’spinnaana. Aamoksk maano’toiksi maata’paissapiwaiksawa mookimanni, tsaahko kayii.

Iiniotokiiksi stamikakawakkayitsihtatsiiyawa. Aamskaapaka’pioyiistsi mooksisk aotomitapipiayawa niik itaitapsapiyoiyattsayawa pinaapamsskaapohtsi. Ihtaisi’kaahkaanskayawaiksi ki mattohtaisspiksisoka’sskayawaistsi.

Simsini Ihtsi’niiksi

Moohk naapiaohkiihk ihpawa’sokohtoo’p aipsstaahkaipokoo, sa’tsoopa’tsis ki mattoohkiitoka’pi. Iikohtakaipotsima’siwa matapiwa, ihtsi’niwai.

Nitsitsistao’pisskaanihpinnaani

Niistsao’pisskaani iitsiwa 1868. Annik akayiikakayimmi nota’sinnaaniksi ki nikattainaamayihpinnaan.

manistoksto’pi isstoyiistsi
1868 – Iiniwa iitsistsaitssiipisskatahpi.

1870 iitsistsawahkaotsiimawa Sinaawa. Miim Sikoohkotoki anni pini’toohtsi aamohkai sstsiiwa. Sinaawa namanistsi’kiwa nimohtsskanoohpa’pssinnaani aapikssini iito’tahkomatsiwa anno otapi’sin, niiksiskayi Kainaikoani maatakaitapiiwa iitaoki’kayi. Pahtsiksiistapoohtsim noohkattsitoki’kawa Piikaniwa. Iito’tsitskakaitapi’sskohtowa Sinaawa. Aamohkay iitsistsawahkaotsiimawa Sinaawa.

manistoksto’pi isstoyiistsi
1870 – Iitomo’tsaahpi sinaawa.

Maohksisoka’simiiksi

Maohsisoka’simiiksi ihto’tsskowayawa anno maahkitssikaassi saayinstawa’pii. Aottakiiksi iisaisskoyiiwawa ki iitssksinstawa’piwa. Ihpo’toyawa manokakihtsimani.

Otsitsaakiakayi’pi Iiniiksi

Mo 1875 niksi I.G.Baker Company innaapsapipoyattstakiiyawa 75,000 iiniotoki. Miim Aamsskaapaka’pioyiistsi amoksk iitaohpommayawa. Anno nitsitapiiminnaana amoksi aahkohkana’paihkaiwa.

manistoksto’pi isstoyiistsi
1875 – Otsitakayi’pi iiniwa.